downloadyahoocom

កំពុងជិះម៉ូតូ២នាក់ប្ដីប្រពន្ធត្រូវឡាន កូរ៉េបុកពីក្រោយអូសផ្ទប់គោយន្ដ ច្នៃស្លាប់យ៉ាងអាណោចអាធ័ម

2011-07-04T18:12:00.000-07:00

ខេត្ដកំពត ៖ ឧបទ្ទវហេតុគ្រោះថ្នាក់ចរាចរមួយនៅលើកំណាត់ផ្លូវជាតិលេខ៣ កំពត-ភ្នំពេញ បានផ្ដាច់ជីវិតប្ដីប្រពន្ធ២នាក់នៅកន្លែងកើតហេតុ ខណៈកំពុងជិះម៉ូតូមួយគ្រឿងត្រូវរថយន្ដកូរ៉េចំណុះ២តោនកន្លះ មួយគ្រឿងបុកចំពីក្រោយពេញទំហឹងអូសទៅបុកផ្ទប់នឹងគោយន្ដច្នៃ មួយគ្រឿងបណ្ដាលឱ្យអ្នកជិះម៉ូតូពីរនាក់ប្ដីប្រពន្ធនេះខ្ទាត បោកដួលដាច់ខ្យល់ស្លាប់យ៉ាងអាណោចអាធ័ម។

ហេតុ ការណ៍ខាងលើនេះបានកើតឡើងនៅវេលាម៉ោង១១និង១៥នាទី ថ្ងៃទី៣ ខែកក្កដា ឆ្នាំ២០១១ តាមបណ្ដោយផ្លូវជាតិលេខ៣ កំពត-ភ្នំពេញ ស្ថិតក្នុងភូមិបឹង ឃុំបឹងនិមល ស្រុកឈូក ខេត្ដកំពត ។

ម ន្ដ្រីនគរបាលបានឱ្យដឹងថា ២នាក់ប្ដីប្រពន្ធដែលត្រូវរថយន្ដកូរ៉េបុកស្លាប់នេះឈ្មោះ វិត បឿន អាយុ៤២ឆ្នាំ ប្រពន្ធឈ្មោះ ហំ ភាក់ អាយុ៤២ឆ្នាំ អ្នកទាំង២រស់នៅភូមិបឹង ឃុំបឹងនិមល ស្រុកឈូក ខេត្ដកំពត។ ចំណែកអ្នកបើកបររថយន្ដបង្កហេតុ ពេលបង្កគ្រោះថ្នាក់រួចហើយ បានរត់គេចខ្លួនចូលក្នុងភូមិត្រូវកម្លាំងនគរបាលចាប់ខ្លួនបាន នោះមានឈ្មោះសៀង លី ភេទ ប្រុស អាយុ២៧ឆ្នាំ រស់នៅភូមិស្វាយទាប ឃុំប្រមាត់ដី ស្រុកចំការលើ ខេត្ដកំពង់ចាម ។

បច្ចុប្បន្ន វត្ថុតាងរថយន្ដកូរ៉េ និងម៉ូតូជនរងគ្រោះ រួមទាំងគោយន្ដច្នៃបានរក្សាទុកនៅអធិការដ្ឋាននគរបាលស្រុកឈូក រង់ចាំដោះស្រាយតាមច្បាប់ ចំណែកអ្នកបើកបរត្រូវបញ្ជូនទៅតុលាការដើម្បី វិនិច្ឆ័យទោស៕

សិស្សវិទ្យាល័យស៊ីសុវត្ថិម្នាក់គ្រោះថ្នាក់ចរាចរអាក់ខានចូលប្រឡងឌីប្លូម

2011-07-04T18:11:00.000-07:00

ភ្នំពេញ ៖ ករណីគ្រោះថ្នាក់ចរាចរមួយរវាងម៉ូតូនឹងម៉ូតូបណ្ដាលឱ្យសិស្ស វិទ្យាល័យព្រះស៊ីសុវត្ថិម្នាក់រងរបួសធ្ងន់ធ្ងរ ខណៈដែលសិស្សស្រីរូបនោះជិះម៉ូតូចេញពីផ្ទះ ឆ្ពោះទៅមណ្ឌលប្រឡងនៅអនុវិទ្យាល័យចតុមុខ ។

ហេតុ ការណ៍គ្រោះថ្នាក់ចរាចរនេះបានកើតឡើងនៅវេលាម៉ោង៦ព្រឹក ថ្ងៃទី៤ ខែកក្កដា ឆ្នាំ២០១១ នៅស្ដុបអតីត រោងភាពយន្ដលុច្ស មហាវិថីព្រះនរោត្ដម កែងផ្លូវលេខ១៥៤ សង្កាត់ជ័យជម្នះ ខណ្ឌ ដូនពេញ ។

ដោយ ឡែកជនរងគ្រោះឈ្មោះ ផាច គីមលី ភេទស្រី អាយុ១៥ឆ្នាំ ជាសិស្សវិទ្យាល័យព្រះស៊ីសុវត្ថិស្នាក់នៅផ្ទះលេខ ៤៨ ផ្លូវលេខ១៤៤ សង្កាត់ផ្សារកណ្ដាល ១ ខណ្ឌដូនពេញ។

សាក្សី នៅកន្លែងកើតហេតុបានប្រាប់ឱ្យដឹងថា មុនពេលកើតហេតុ ជនរងគ្រោះជិះម៉ូតូមកពីទិសខាងកើតបត់ឡើងទៅត្បូងវិញ តាមផ្លូវព្រះនរោត្ដម ហើយជនរងគ្រោះនោះបត់យឺតៗ ស្រាប់តែគេឃើញម៉ូតូបង្កហេតុនោះ មិនដឹងជិះចេញពីណាមកទេ ក៏បុកគ្នាឮសូរប្រាវ តែម្ដងទៅ។

នគរបាល បានឱ្យដឹងថា ករណីនេះ ភាគីទាំងសងខាងបានសម្របសម្រួលគ្នា បញ្ចប់នៅកន្លែងកើតហេតុ។ ប៉ុន្ដែជនរងគ្រោះត្រូវរថយន្ដសាមុយដឹកយកទៅសង្គ្រោះនៅមន្ទីរ ពេទ្យ ព្រោះជនរងគ្រោះមានរបួសត្រង់មាត់។

ស្ដ្រី ជាម្ដាយក្មេងស្រីរងគ្រោះបានឱ្យ ដឹងថា កូនស្រីរបស់គាត់ជិះម៉ូតូទៅប្រឡង នៅអនុវិទ្យាល័យចតុមុខ មិនគួរជួបហេតុ ការណ៍បែបនេះឡើយ ហើយការប្រឡង គឺស្វាមីគាត់បានប្រាប់ទៅខាងមណ្ឌលប្រឡងរួចរាល់ហើយ ប៉ុន្ដែមិនដឹងថា ចំណាត់ការរបស់គណៈកម្មការប្រឡង គិតយ៉ាងណានោះទេ។

គួរ បញ្ជាក់ថា បច្ចុប្បន្នក្មេងស្រីរងគ្រោះកំពុងសំរាកព្យាបាលនៅគ្លីនិក គឹម សុង ខណ្ឌទួលគោក រាជធានីភ្នំពេញ៕

ចាត់វិធានការរុះរើសំណង់ណាដែលសង់រំលោភយកដីចំណីផ្លូវជាតិលេខ១

2011-07-04T18:10:00.002-07:00

ភ្នំពេញ ៖ សំណង់ជាច្រើនដែលសង់រំលោភយកដីចំណីផ្លូវជាតិលេខ១ នៅក្នុងអាណាចក្រខណ្ឌមានជ័យត្រូវបានអាជ្ញាធរខណ្ឌចាប់ផ្ដើម វិធានការរដ្ឋបាលតឹងរ៉ឹង គឺបង្គាប់ឱ្យម្ចាស់សំណង់ទាំងនោះ រុះរើដោយខ្លួនឯងដោយកំណត់រយៈពេល ចំពោះសំណង់ចាស់ដែលបន្សល់ទុកតាំងពីអតីតស្រុកកៀនស្វាយមក ក៏ត្រូវបានអាជ្ញាធរខណ្ឌ ណែនាំផងដែរគឺហាមមិនឱ្យសាងសង់បន្ថែមនោះឡើយ។

វិធាន ការរដ្ឋបាលនេះ មិនមែនទើប តែនឹងអនុវត្ដនោះទេ កន្លងមកអាជ្ញាធរ ខណ្ឌមានជ័យ បានណែនាំដល់ម្ចាស់ទីតាំងទាំងនោះផងដែរ ក៏ប៉ុន្ដែមានម្ចាស់ទីតាំង មួយចំនួនគេអនុវត្ដតាម ហើយម្ចាស់ ទីតាំងមួយចំនួនទៀត បែរជារឹងទទឹង គឺលួចសាងសង់សំណង់រឹង ដោយរំលោភ យក ដីចំណីផ្លូវទាំងស្រុងតែម្ដង ទោះបី ជាម្ចាស់ទីតាំងនោះ ត្រូវបានរាជរដ្ឋាភិបាលបានចេញសំណងគោលនយោបាយ ដល់ផលប៉ះពាល់លើការស្ថាបនាផ្លូវជាតិ លេខ១ហើយយ៉ាងណាក៏ដោយ ក៏នៅពេល នេះបែរជាសាងសង់នៅដីចំណីផ្លូវដដែល។

ដោយ មើលឃើញពីការមិនអនុវត្ដតាមគោលការរបស់អាជ្ញាធររួចមកនៅ ព្រឹកថ្ងៃទី៤ ខែកក្កដា ឆ្នាំ២០១១ អាជ្ញាធរខណ្ឌមានជ័យ ដែលដឹកនាំកម្លាំងចម្រុះ ដោយលោក ហៀន ចាន់លាង អភិបាលរងខណ្ឌ តំណាងលោកអភិបាលខណ្ឌ ចុះធ្វើការហាមឃាត់ និងរុះរើសំណង់ចំនួន ៥កន្លែង នៅតាមបណ្ដោយផ្លូវជាតិលេខ ១ ក្នុងភូមិទួលតាចាន់ សង្កាត់ព្រែកឯង ខណ្ឌមានជ័យ។ សំណង់ទាំង៥ទីតាំងនេះ ត្រូវបានអាជ្ញាធរដាក់ឱសានវាទកន្លែងខ្លះទុករយៈពេល១សបា្ដហ៍ ឱ្យរុះរើចេញដោយខ្លួនឯងកន្លែងខ្លះ២សបា្ដហ៍ និងកន្លែងខ្លះទៀតរយៈពេល២ថ្ងៃប៉ុណ្ណោះ។

ដោយ ឡែកសំណង់ដែលលួចសាង សង់ ហើយរឹងទទឹងជាមួយអាជ្ញាធរមាន ម្ចាស់ឈ្មោះ អ៊ុយ លាង រកស៊ីលក់គ្រឿង សង្ហារឹមនោះ ត្រូវបានកម្លាំងចម្រុះ សម្រេចរុះរើសចេញទាំងស្រុង ព្រោះមិនស្ដាប់តាមការណែនាំរបស់អាជ្ញាធរ ហើយសំណង់នេះ គឺត្រូវបានរាជរដ្ឋាភិ បាលចេញសំណងទៅលើផលប៉ះពាល់ ក្នុងការស្ថាបនាផ្លូវជាតិលេខ១រួចមក ហើយ តែក្រោយការស្ថាបនាផ្លូវជាតិ លេខ១រួចមក បែរជាម្ចាស់ទីតាំងមិនព្រមអនុវត្ដនោះឡើយ គឺសាងសង់លើទីតាំងចាស់ដដែលរំលោភលើដីចំណី ផ្លូវ១០០ភាគរយ។ សំណង់ផ្ទះរបស់ឈ្មោះ អ៊ុយ លាង នេះដែរ បានធ្វើឱ្យប្រជាពល រដ្ឋប្រមាណជា៥គ្រួសារដែលនៅខាង ក្រោយប្រតិកម្មផងដែរ ដោយសារប្រជា ពលរដ្ឋទាំង៥គ្រួសារនេះ គឺបងប្អូនក្រុម គ្រួសារតែមួយ ហើយមានប័ណ្ណកម្មសិទ្ធិ កាន់កាប់ដីធ្លី បង្ហាញថា ខាងជើងទល់ផ្លូវ ជាតិលេខ១ ។ ទោះជាមានប្លង់បង្ហាញ ច្បាស់យ៉ាងណាក៏ដោយ ក៏ម្ចាស់សំណង់ ឈ្មោះ អ៊ុយ លាង នៅតែមានៈសាងសង់ រំលោភយកដីចំណីផ្លូវរបស់រដ្ឋដដែល ធ្វើឱ្យប្រជាពលរដ្ឋទាំង៥គ្រួសារ គ្មានច្រកចេញចូល និងសូមសំណូមពរដល់លោកអភិបាលខណ្ឌមានជ័យ និងលោកអភិបាលរាជធានីភ្នំពេញ ជួយអន្ដរាគមន៍ បើកផ្លូវឱ្យពួកគាត់បានធ្វើដំណើរផង។

ពាក់ ព័ន្ធវិធានការរដ្ឋបាលរុះរើសសំណង់នេះដែរ លោក ហៀក ចាន់លាង អភិបាលរងតំណាងលោកអភិបាលខណ្ឌបានបញ្ជាក់ឱ្យដឹងថា វិធានការនេះនឹងចាប់ផ្ដើមធ្វើហើយបន្ដធ្វើទៅមុខទៀតគឺមិនរា ថយនោះឡើយ ចំពោះសំណង់ទាំងឡាយណាដែលសាងសង់រំលោភយកដីចំណីផ្លូវ លើកលែងតែសំណង់ចាស់ប៉ុណ្ណោះ និងសូមកុំឱ្យសាងសង់បន្ថែមទៀត។

លោក អភិបាលរងខណ្ឌបានបន្ដទៀត ថា ផ្ដើមចេញពីការសាងសង់មិនអនុវត្ដ តាមការកំណត់របស់សមត្ថកិច្ចជំនាញ នេះ គឺអាជ្ញាធរក្រុងនិងខណ្ឌមិនយោគយល់ នោះឡើយ ហើយសុំឱ្យប្រជាពលរដ្ឋដែល មានលនៅឋានតាមបណ្ដោយផ្លូវជាតិ លេខ១ ចូលរួមអនុវត្ដទាំងងស់គ្នា ធ្វើយ៉ាងណានៅពេលសាងសង់ត្រូវវាស់ចេញពីអាក់ផ្លូវចម្ងាយ ៣០ម៉ែត្រ បើខុសការកំណត់មិនអនុញ្ញាតនោះឡើយ។ ដោយ ឡែកសំណង់ចាស់ នឹងមានវិធានការនៅពេលក្រោយពេលនេះគ្រាន់តែប្រាប់ម្ចាស់សំណង់ថា រុះរើ បើមិនស្ដាប់តាមការណែនាំទេនោះ អាជ្ញាធរនឹងប្រើវិធានការរដ្ឋបាលនាពេលខាងមុខទៀត៕

វីវ៉ាបុកឆាលីស្លាប់១របួស៤នាក់នៅព្រែកឯង

2011-07-04T18:10:00.001-07:00

ភ្នំពេញ ៖ បុរសម្នាក់បានស្លាប់នៅនឹងកន្លែងកើតហេតុ ចំណែក៤នាក់ទៀតរងរបួសធ្ងន់ស្រាល ដោយសារម៉ូតូ និងម៉ូតូបុកគ្នាពេញទំហឹងកាលពីយប់ថ្ងៃទី៣ ខែកក្កដា ឆ្នាំ២០១១ វោលម៉ោង២១ និង១០នាទី នៅតាមបណ្ដោយផ្លូវជាតិលេខ១ ក្នុងភូមិទួលតាចាន់ សង្កាត់ព្រែកឯង ខណ្ឌមានជ័យ ។

ជន រងគ្រោះដែលជិះម៉ូតូវីវ៉ាពណ៌ខ្មៅ ឌុបគ្នា៣នាក់ ពាក់ស្លាកលេខ ធ-៧៤៣៧ ភព១ មាន ១-ឈ្មោះ ដុង កក្កដា ភេទ ប្រុស អាយុ២០ឆ្នាំ មុខរបរជាជាងដែកស្លាប់នៅនឹងកន្លែងកើតហេតុ, ២-ឈ្មោះ ណយ ភេទប្រុស អាយុ២៣ឆ្នាំ មុខរបរ ជាជាងដែក និងម្នាក់ទៀត មិនស្គាល់ ឈ្មោះឡើយ តែសមត្ថកិច្ចឱ្យដឹងថា ជន រងគ្រោះដែលជិះម៉ូតូវីវ៉ាទាំង៣នាក់ខាង លើនេះ មានទីលំនៅ ភូមិទួលតាចាន់ សង្កាត់ព្រែកឯង ខណ្ឌមានជ័យ ។ ចំណែក ជនរងគ្រោះ២នាក់ទៀត ជិះម៉ូម៉ាកឆាលី មានឈ្មោះ ទី ផា ភេទប្រុស អាយុ ១៥ឆ្នាំ ជាសិស្សសាលា មានទីលំនៅ ភូមិ ចុងព្រែក សង្កាត់ព្រែកឯង ខណ្ឌ មានជ័យរងរបួសធ្ងន់ និងម្នាក់ទៀតដែល រួមដំណើរជាមួយរងរបួសស្រាល មិន ត្រូវបានស្គាល់ឈ្មោះឡើយ ។

សមត្ថ កិច្ចឱ្យដឹងថា បើតាមសាក្សី ដែលឃើញហេតុការណ៍បានរៀបរាប់ថា មុនពេលជួបគ្រោះថ្នាក់ ជនរងគ្រោះ២ នាក់ ដែលជិះម៉ូតូម៉ាកឆាលីរងរបួសធ្ងន់ ម្នាក់ ស្រាលម្នាក់នេះ គឺបើកបរឌុបគ្នា ក្នុងទិសដៅពីភ្នំពេញទៅកៀនស្វាយ ដោយ បើកបរប្រកាន់ស្ដាំរបស់ខ្លួន ធ្វើដំណើរ លើចំណែកផ្លូវសម្រាប់ម៉ូតូ។ ពេលទៅ ដល់ចំណុចកើតហេតុ ស្រាប់តែជនរង គ្រោះជិះម៉ូតូម៉ាកវីវ៉ាឌុបគ្នា៣នាក់ ក្នុងទិសដៅផ្ទុយគ្នាពីកៀនស្វាយមកភ្នំពេញ ប៉ុន្ដែជនរងគ្រោះទាំង៣នាក់នេះ ហាក់ ដូចជាស្រវឹង គឺបើកបរមិនប្រកាន់ស្ដាំឡើយ។

សមត្ថ កិច្ចបានឱ្យដឹងបន្ដទៀតថា ពេលនោះដោយឃើញអ្នកជិះម៉ូតូវីវ៉ា បើកបរមិនប្រុងប្រយ័ត្នជនរងគ្រោះជិះម៉ូតូឆាលី ក៏ព្យាយាមបើកគេចមកស្ដាំដៃរបស់ខ្លួនបន្ថែមទៀត តែមិនផុតនោះឡើយ ធ្វើឱ្យអ្នកជិះម៉ូតូវីវ៉ាមកបុកចំពីមុខពេញទំហឹង លាន់ដូចគ្រាប់ផ្ទុះបង្កការភ្ញាក់ផ្អើល ដល់អ្នកដំណើរនិងប្រជាពលរដ្ឋទាំងយប់តែម្ដង។ ក្រោយកើតហេតុអ្នកជិះម៉ូតូ វីវ៉ាម្នាក់ដែលបើកមកបុកគេស្លាប់នៅ និងកន្លែងកើតហេតុ ចំណែក២នាក់ទៀត រងរបួសធ្ងន់ ។ រីឯអ្នកជិះម៉ូតូឆាលីក៏រង របួសធ្ងន់ស្រាលផងដែរ ។ ជនរងគ្រោះ ទាំងសងខាង ត្រូវបានបញ្ជូនមកសង្គ្រោះ នៅពហុព្យាបាលច្បារអំពៅ និងខ្លះទៀត បញ្ជូនមកសង្គ្រោះនៅមន្ទីរពេទ្យបង្អែក មានជ័យ ។

ម៉ូ តូជនរងគ្រោះទាំងសងខាងត្រូវ សមត្ថកិច្ចនគរបាលចរាចរជើងគោក ក្រុង យកមករក្សាទុក ដើម្បីដោះស្រាយ តាមផ្លូវច្បាប់ ។

ករណី គ្រោះថ្នាក់ចរាចរខាងលើនេះ នគរបាលចរាចរបានឱ្យដឹងថា កើតឡើងដោយការបើកបរផឹកគ្រឿងស្រវឹង ហើយបើកបរមិនប្រុងប្រយ័ត្ន មិនប្រកាន់ស្ដាំ គឺជាដើមហេតុនៃការបង្កគ្រោះ ថ្នាក់ចរាចរដល់អ្នកដទៃ៕

ផ្ទុះគ្រាប់បែកនៅនីហ្សេរីយ៉ាស្លាប់១០នាក់

2011-07-04T18:09:00.001-07:00

មាន ការផ្ទុះគ្រាប់បែកកាលពីយប់ថ្ងៃទី៣ កក្កដានៅផ្សារម៉ៃឌូប៊ូរី ស្ថិតនៅភាគឦសានប្រទេសនីហ្សេរីយ៉ា សម្លាប់មនុស្ស៥នាក់និងរបួស៩នាក់ ។

សាក្សីបានឱ្យដឹងថា ហេតុការណ៍ផ្ទុះគ្រាប់បែកកើតឡើងនៅវេលាម៉ោង១៧:៣០នាទី (ម៉ោងក្នុងតំបន់ ) ស្ថិត នៅក្នុងផ្សារ ។ កងកម្លាំងសន្ដិសុខបានទៅ ដល់កន្លែងកើតហេតុភ្លាមៗដើម្បីទប់ ស្កាត់ភាពចលាចល។ មន្ដ្រីសន្ដិសុខមិន ទាន់បានបញ្ជាក់ពីមូលហេតុបណ្ដាលឱ្យ ផ្ទុះគ្រាប់បែកនោះនៅឡើយ ។

នៅ បរិវេណផ្សារដែលរងការវាយ ប្រហារគឺជាមជ្ឈមណ្ឌលកម្សាន្ដរបស់ បណ្ដាប៉ូលិសនៅក្នុងទីក្រុង ប៉ុន្ដែក៏បាន បើកទ្វារឱ្យប្រជាពលរដ្ឋចូលរួមផងដែរ។ នេះជាហេតុការណ៍ផ្ទុះគ្រាប់បែកទី២ ហើយនៅក្នុងផ្សារខាងលើ ។ កាលពីឆ្នាំ ២០១០ ក៏មានការផ្ទុះគ្រាប់បែក ប៉ុន្ដែ មិនបណ្ដាលឱ្យមានអ្នកស្លាប់ឡើយ ៕

ព្រះមហាក្សត្រ កម្ពុជានិងនាយករដ្ឋមន្ត្រីបារាំងសម្ពោធ បិទការដ្ឋានជួសជុលប្រាសាទបាពួននិងបើកការដ្ឋានប្រាសាទមេបុណ្យ

2011-07-04T18:08:00.002-07:00

ព្រះ ករុណាព្រះបាទសម្តេចព្រះបរមនាថ នរោត្តមសីហមុនី ព្រះមហាក្សត្រនៃព្រះរាជាណាចក្រកម្ពុជានិងលោ François FILLON នាយករដ្ឋមន្ត្រីបារាំង បានសព្វព្រះរាជឫទ័យយាង និងអញ្ជើញចូលរួមសម្ពោធបិទការដ្ឋានជួសជុលប្រាសាទបាពួន ដែលស្ថិតនៅក្នុងទីតាំងប្រាសាទអង្គរធំក្បែរប្រាសាទបាយ័ននៃ ក្រុងអង្គរខេត្តសៀមរាប ដែលកម្មវិធីសម្ពោធនេះបានប្រព្រឹទ្ធធ្វើឡើង នៅព្រឹកថ្ងៃ អាទិត្យទី៣ ខែកក្កដា ឆ្នាំ២០១១ ដោយមាន ការចូលរួមពីសំណាក់មន្ត្រីរាជការនិងប្រជាជននៅក្នុងខេត្ត សៀមរាបយ៉ាងច្រើនកុះករផង ដែរ។

ពិធី សម្ពោធបានចាប់ផ្តើមនៅវេល្លាម៉ោង៩ព្រឹក ដោយលោក François FILLON បានមានប្រសាសន៍ឲ្យដឹងថា ការបញ្ចប់ការជួសជុលប្រាសាទបាពួននេះ គឺជាជោគជ័យ មួយដែលបានពង្រឹងយ៉ាងឋិតថេរនូវចំណងមិត្ត ភាពដ៏យូរលង់រវាងព្រះរាជាណាចក្រ កម្ពុជា និងប្រទេសបារាំង ។ លោកបានថ្លែងឲ្យដឹងទៀតថាកាលខ្ញុំធ្វើ ជារដ្ឋមន្ត្រីក្រសួង ឧត្តមសិក្សាស្រាវជ្រាវទូលបង្គំ ជាខ្ញុំបានធ្វើការគាំទ្រចំពោះការចាប់ផ្តើមជួសជុលប្រាសាទដ៏ លំបាកមួយនេះ ហើយវាជាសេចក្តីរីករាយរំភើពជាទីបំផុតដែលប្រមាណជា១៥ឆ្នាំ ក្រោយមកដែលទួលបង្គំ ជាខ្ញុំបានមកចូលរួមសម្ពោធនៅសមិទ្ធផលមួយនេះ។

លោក François FILLON បានឲ្យដឹងទៀតថា ប្រាសាទបាពួននេះមានគំរោងរៀបចំជួសជុលតាំងពីគ្រឹះសករាជឆ្នាំ ១៩៦០ មកម្លេះ ប៉ុន្តែត្រូវផ្អាកដោយសារសង្គ្រាមស៊ីវិល និងរបបខ្មែរក្រហមហើយបានបំផ្លាញឯកសារនៃការជួសជុលប្រាសាទនេះ ចោលអស់។ ហើយការចាប់ផ្តើមជាថ្មីនូវដំណើរការជួសជុលនេះដែលជាដំណើរកា រផ្សងព្រេងមួយបានចាប់ផ្តើមឡើងតាំងពីឆ្នាំ១៩៩៥ ដែលជាការចាប់ផ្តើមដំណាលគ្នាទៅនឹងការ បង្កើតសាលា បារាំងចុងបូព៌ាប្រទេសនៅដើមសតវត្យទី២០នេះ។

លោក François FILLON បានឲ្យដឹងទៀតថា ជាការចាប់ផ្តើមសាលាបារាំង ចុងបូព៌ាប្រទេសបានធ្វើការកាប់ឆ្ការព្រៃដ៏ក្រាស់ខ្មឹកដែល បានហុំព័ទ្ធប្រាសាទនេះ និងធ្វើ ប្រព័ន្ធលូបង្ហូរទឹកចេញពីប្រាសាទ។ការជួសជុលប្រាសាទបាពួន នេះជាគំរោងជួសជុល ដ៏ធំមួយនៅក្នុងពិភពលោក តែក៏ជាកិច្ចសហប្រតិបត្តិការដ៏ល្អជាងគេមួយរវាងកម្ពុជានិង បារាំងនៅក្នុងវិស័យបូរាណវិទ្យា។ លោកនាយករដ្ឋមន្ត្រីបានឲ្យដឹងទៀតថាក្នុងរយៈពេលជាង២០ឆ្នាំចុង ក្រោយនេះស្ថាប័នបារាំងជាច្រើនបានផ្តល់ជំនួយ ដែលសរុបជាទឹកប្រាក់ មានជាង២១លានយូរ៉ូ ដើម្បីធ្វើការជួសជុលប្រាង្គប្រាសាទអង្គរ និងចែករំលែកនូវចំណេះដឹងវិទ្យាសាស្ត្របច្ចេកទេសប្រជាជនកម្ពុ ជា ដែលជាតំរូវការនូវក្នុងការថែរក្សាបេតិកភណ្ឌបូរាណវត្ថុដ៏ វិសេសវិសាលនេះ។ ហើយលោកនាយករដ្ឋមន្ត្រីបានបញ្ជាក់ថា ការបញ្ចប់ការជួសជុលប្រាសាទបាពួនមិនមែនបានន័យថា ការបញ្ចប់ដំណើរផ្សងព្រេងដ៏វែងឆ្ងាយនៅក្នុងតំបន់អង្គរនោះទេ ។ យោងតាមការស្នើរសុំរបស់អាជ្ញាធរកម្ពុជា ប្រទេសបារាំងបានសំរេចបើកការដ្ឋានជួសជុលប្រាសាទមេបុណ្យ ដែលស្ថិតនៅចំកណ្តាលបារាយណ៍ខាងលិច ដោយមានកិច្ចសហប្រតិបត្តិការជាមួយអាជ្ញាធរជាតិអប្សរា។ហើយ ហិរញ្ញប្រទាន ចំនួន២,៧លានអឺរ៉ូ ត្រូវបានប្រម៉ែប្រមូលរួចរាល់ហើយតាមរយះជំនួយវិភាគទាន ក្រសួងការបរទេសឧត្តមសិក្សាស្រាវជ្រាវក្រសួងវប្បធម៌ និងសាលាបារាំងចុងបូព៌ាប្រទេស។ ដូច្នេះការងារជួសជុលប្រាសាទមេបុណ្យខាងលិចអាចដំណើរការជួសជុល បាននៅក្នុង ឆ្នាំ២០១២ខាងមុខនេះ។

ព្រះ ករុណាព្រះបាទសម្តេចព្រះបរមនាថ នរោត្តមសីហមុនី បានមានព្រះរាជបន្ទូលអំណរគុណយ៉ាងជ្រាលជ្រៅចំពោះឯកឧត្តម François FILLON នាយករដ្ចមន្ត្រី នៃសាធារណរដ្ឋបារាំង ដែលបានថ្លែងសន្ទរកថាបញ្ជាក់ អំពីចំណងមិត្តភាពសាមគ្គីភាព និងកិច្ចសហប្រតិបតិការណទេរ្វភាគគីដ៏ល្អប្រសើររវាងសាធារណ រដ្ឋបារាំង និងព្រះរាជាណាចក្រកម្ពុជា។ ទន្ទឹមនេះសន្ទរកថារបស់ឯកឧត្តម នាយករដ្ឋមន្ត្រី ក៏បានបង្ហាញអោយឃើញនូវការខិតខំប្រឹងប្រែងរបស់មិត្តបារាំងអំពី ការស្រាវជ្រាវ និងជួសជុលប្រាសាទ បាពួនដែលបានទ្រុឌទ្រោមទៅ ហើយនោះឲ្យមានភាពរឹងមាំឡើងវិញដើម្បីថែរក្សាទុកជាកេរ្តិ៍ ដំណែលដ៏មានតំលៃរបស់វប្បធម៌ខ្មែរសម័យ មហានគរដ៏រុងរឿង។

ព្រះ ករុណាព្រះមហាក្សត្រ បានមានព្រះរាជបន្ទូលទៀតថា នៅលើទឹកដីនៃព្រះរាជាណាចក្រកម្ពុជា ជាពិសេសនៅខេត្តសៀមរាបនេះ បុព្វបុរសខ្មែរលោកបានកសាងប្រាង្គប្រាសាទជាច្រើនទុកជាសម្បត្តិ វប្បធម៌ប្រវត្តិសាស្ត្រជាតិ ដោយសារធម្មជាតិ និង សង្គ្រាមអស់រយៈពេលជាច្រើនសតវត្យកន្លងមកហើយប្រាង្គប្រាសាទ ទាំងនោះមានសភាពទ្រុឌទ្រោមបាក់បែកនិងបាត់បង់ដោយទាមទាអោយ មានការជួសជុលនិងអភិរក្សឲ្យបានល្អប្រសើរ។ ព្រះអង្គបានមានព្រះរាជបន្ទូលថា រាជរដ្ឋាភិបាលកម្ពុជាដែលមាន សម្តេចអគ្គមហាសេនាបតីតេជោ ហ៊ុន សែន ជាប្រមុខដឹកនាំបានដាក់ចេញនូវគោលនយោបាយការពារថែរក្សាមរតកវប្ប ធម៌ដែលជាសម្បត្តិដ៏មានតំលៃរបស់ខ្មែរបាន គង់វង្សល្អតរៀងទៅ។ ក្រសួងវប្បធម៌និងវិចិត្រសិល្បៈអាជ្ញាធរអប្សរានិង អាជ្ញាធរខេត្ត ព្រម ទាំងអាជ្ញាធរមានសមត្ថកិច្ចផ្សេងៗទៀត បានយកចិត្តទុកដាក់ប្រឹងប្រែងអនុវត្តគោលនយោបាយដ៏ត្រឹមត្រូវ របស់រាជរដ្ឋាភិបាលកម្ពុជា បានខិតខំគ្រប់មធ្យោបាយដើម្បីថែរក្សាការពារនិងជួសជុលរមណីយ ដ្ឋានប្រវត្តិសាស្ត្រជាតិឲ្យមានលក្ខណៈល្អប្រសើរឡើងជា បណ្តើរៗ ។

ព្រះ អង្គបានមានព្រះរាជបន្ទូលទៀតថា ទន្ទឹមនឹងនេះដែររាជរដ្ឋាភិបាលកម្ពុជាក៏បានអំពាវនាវដល់សហ គមន៍អន្តរជាតិ ឲ្យចូលរួមជួយលើកិច្ចការអភិរក្សសម្បត្តិវប្បធម៌ទាំងអស់នេះ។ ហើយរដ្ឋាភិបាលនៃសាធារណរដ្ឋបារាំងបានឆ្លើយតបបានទាន់ពេលវេលា ទៅនឹងការអំពាវនាវខាងលើ ហើយការជួសជុលប្រាសាទបាពួននេះ ជាសក្ខីភាពថ្មីមួយ ទៀតបង្ហាញអោយឃើញពីការខិតខំប្រឹងប្រែងរបស់រដ្ឋាភិបាលបារាំង ជួយដល់ប្រជាជនកម្ពុជា។ ព្រះអង្គបានសំដែងនូវការដឹងគុណយ៉ាងជ្រៀលជ្រៅចំពោះរដ្ឋាភិបា ល នៃសាធារណរដ្ឋបារាំង ដែលបានអនុញ្ញតឲ្យសាលាចុងបូព៌ាប្រទេសមកបំពេញការងារដ៏ឧត្តុ ង្គឧត្តមដើម្បីអភិរក្សបេតិកភណ្ឌជាតិខ្មែរ។ ព្រះអង្គក៏បានថ្លែងអំណរគុណជាពិសេស ដល់លោក ប៉ាស្កាល់ រូយ៉ែលនិងក្រុមការងាររបស់លោកដែលសំរេចបាននូវសមិទ្ធផលដ៏ ថ្លៃថ្លា និងបានជួយបណ្តុះបណ្តាលដល់ជនរួមជាតិកម្ពុជា លើការស្រាវជ្រាវនិងអភិរក្ស សម្បត្តិវប្បធម៌។

ព្រះ អង្គបានមានព្រះរាជបន្ទូលថា ព្រះករុណាព្រះវររាជបីតា និងសម្តេចព្រះវររាជមាតា និងខ្លួនព្រះអង្គផ្ទាល់មានមោទនភាពណាស់ដោយបានដឹងថា ដោយសារតែការ បណ្តុះបណ្តាលនេះ អ្នកបូរាណវិទ្យាស្ថាបត្យករ អ្នកបច្ចេកទេសខ្មែរ បានសហការជាមួយ អ្នកបច្ចេកទ្ទេសបារាំង ហើយបានរៀនសូត្របង្កើនសមត្ថភាពកាន់តែខ្ពស់ក្នុងការថែរក្សា បេតិកភណ្ឌប្រវត្តិសាស្ត្ររបស់ខ្លួនដែលជាបីតិកភណ្ឌមនុស្សជាតិផង ដែរ។

ជា ចុងក្រោយ ព្រះអង្គបានសព្វព្រះរាជហឫទ័យថ្លែងអំណរគុណយ៉ាងជ្រៀលជ្រៅ បំផុតចំពោះរដ្ឋាភិបាលនៃសាធារណរដ្ឋបារាំង សាលាបារាំងចុងបូព៌ា ដែលបានយកចិត្តទុកដាក់ចំពោះសម្បត្តិវប្បធម៌ខ្មែរជួយស្រាវជ្រាវ និងជួយជួសជុលប្រាសាទបាពួនឲ្យ មានសភាពមាំទាំល្អប្រសើរឡើង សំរាប់ជាកម្មវត្ថុនៃការសិក្សានិងការទស្សនារបស់អ្នក ស្រាវជ្រាវ និងអ្នកទេសចរទាំងឡាយ។ ហើយក្នុងឱកាសដ៏ឧត្តុង្គឧត្តមនេះព្រះអង្គសូមឧទ្ទិសប្រាសាទ បាពួននេះក្លាយជានិមិត្តរូបនៃកំលាំងសាមគ្គីភាពមិត្តភាពសន្តិភាព និងកិច្ចសហប្រតិបត្តិការរវាងប្រជាជាតិកម្ពុជា និងបារាំង រួមទាំងប្រជាជាតិទាំងអស់នៅលើសកលលោក។ ហើយនៅក្នុងឱកាសនេះ ដែរព្រះអង្គក៏សូមអំពាវនាវជាថ្មីចំពោះរដ្ឋាភិបាល នៃប្រទេសបារាំងនិងប្រទេសនានាជាមិត្តសូមបន្តជួយ ឧបត្ថមគាំទ្រនិងរៀបចំរមណីយដ្ឋានប្រាសាទបូរាណខ្មែរឡើងវិញ នៅទូទាំងប្រទេសក្នុងស្មារតីសហប្រតិបត្តិ ការរួមដើម្បីការពារបេតិកភណ្ឌប្រវត្តិសាស្ត្រដែលជាសម្បត្តិវប្ប ធម៌រ៌ួមរបស់មនុស្សជាតិ។

គួរ បញ្ជាក់ថា បន្ទាប់ពីកាត់ខ្សែបូរសម្ពោធដាក់ឲ្យប្រើប្រាស់ជាផ្លូវការ សម្រាប់ការទស្សនានៅក្នុងប្រាសាទបាពួននេះគណៈប្រតិភូដែលដឹកនាំ ដោយលោកនាយករដ្ឋមន្ត្រីបារាំង François FILLON និងព្រះអង្គព្រះមហាក្សត្រកម្ពុជាបានអញ្ជើញទស្សនានិងយាងទត ប្រាសាទបាពួនទាំងមូលហើយបន្ទាប់មកលោក François FILLON បានថ្វាយបង្គំលាព្រះករុណាព្រះអង្គម្ចាស់ព្រះបរមនាថនរោត្តមសីហ មុនី ហើយព្រះអង្គស្តេចបានយាងនិ វត្តន៍ ទៅកាន់រាជធានីភ្នំពេញវិញ។ចំណែឯគណៈប្រតិភូបារាំងបានបន្តទ ស្សនាប្រាង្គប្រាទអង្គវត្តជាបន្តទៀត៕

រដ្ឋទូតភូមាសុំភៀសខ្លួននៅអាមេរិក

2011-07-04T18:08:00.001-07:00

ម ន្ដ្រីការបរទេសជាន់ខ្ពស់ទី២របស់រដ្ឋទូតភូមាប្រចាំនៅអាមេរិ កបានដាក់ពាក្យសុំភៀសខ្លួននៅទីនោះពាក់ព័ន្ធនឹងបញ្ហានយោ បាយផ្សេងៗ ។

លោក យ៉ាវ វីន អាយុ៥៩ឆ្នាំធ្លាប់កាន់តំណែងជារដ្ឋទូតទី២របស់ភូមាប្រចាំនៅសហ រដ្ឋអាមេរិក។ លោកវីនជាអ្នកគាំទ្រគណបក្សប្រជាធិបតេយ្យ ហើយបង្ហាញការមិនគាំទ្រដល់លទ្ធផលបោះឆ្នោតកន្លងមកនៅប្រទេស របស់លោកក្នុងនោះមានកម្លាំងទាហានបន្ដឡើង កាន់តំណែងរដ្ឋាភិបាល។

លោកយ៉ាវ វីនធ្លាប់ធ្វើការនៅក្រសួងការបរទេសភូមារហូតដល់៣១ឆ្នាំ ហើយធ្លាប់តំណាងឱ្យប្រទេសភូមាចូលរួមក្នុងកិច្ចប្រជុំសំខាន់នានា នៅលើពិភពលោក៕

ហ្គេមអិនធឺណេត៦កន្លែងនៅជាប់របងសាលាខណ្ឌដង្កោពង្វក់ស្មារតីកូនចៅប្រជាពលរដ្ឋរាល់ថ្ងៃ

2011-07-04T18:07:00.001-07:00

ភ្នំពេញៈ ហ្គេមកុំព្យូទ័រក្រោមស្លាកអិនធឺណេត និងទូរស័ព្ទទៅក្រៅប្រទេសបានបើកឱ្យសិស្សតូចៗចាប់ពីអាយុ ក្រោម១៥ឆ្នាំចូលលេងយ៉ាងទ្រហឹងអឺងកង។ ប៉ុន្ដែការស្រែកហោកញ្ជ្រៀវសប្បាយរីករាយរបស់កុមារៗដែលញឿនហ្គេ មអិនធឺណេតទាំងនោះមិនបានរំខានដល់ថ្នាក់ដឹកនាំខណ្ឌដង្កោឡើយ បើទោះជាទីតាំងទាំង៦កន្លែងនេះបើកបម្រើសេវានៅជាប់នឹងរបង សាលាខណ្ឌ និងអធិការដ្ឋាននគរបាលខណ្ឌដង្កោយ៉ាងណាក៏ដោយ។ ជាពិសេសលោកសាន ប៉ែតតែម្ដងដែលជាអ្នកមានតួនាទីទទួលខុសត្រូវជូនប្រជាពលរដ្ឋ នៅក្នុងភូមិសាស្ដ្រនេះ ។

សេចក្ដី រាយការណ៍ពីប្រជាពលរដ្ឋបានឱ្យដឹងថា ហ្គេមអិនធឺណេតគ្រប់ប្រភេទត្រូវបានឈ្មួញប្រណាំងប្រជែងបើកលេង នៅជាប់ៗគ្នា ដើម្បីពង្វក់ស្មារតីកូនចៅប្រជាពលរដ្ឋដែលមានលំនៅឋានក្បែរនោះ ពីមួយថ្ងៃទៅមួយថ្ងៃយ៉ាងព្រហើនបំផុត ដោយពុំឃើញមានការបង្ក្រាប ឬបញ្ឈប់សកម្ម ភាពពីនគរបាលឡើយ ដែលនេះបានធ្វើឱ្យមានការសង្ស័យថាអាជ្ញាធរមូលដ្ឋានទំនងបើក ដៃដល់ក្រុមថៅកែទាំងនោះឱ្យរកស៊ីដើម្បីថ្នូរនឹងប្រាក់ប្រចាំខែ ផ្ទាល់ខ្លួនផងក៏មិនដឹង។ ដូច្នេះហើយបានជាអាជ្ញាធរមិនខ្វល់ខ្វាយពីផលប៉ះពាល់ដល់ជោគ វាសនាសង្គមជាតិនាពេលអនាគត និងការខិតខំប្រឹងប្រែងក្នុងការកាត់បន្ថយភាពក្រីក្រនៃគោល នយោបាយរបស់ រាជរដ្ឋាភិបាលសូម្បិបន្តិចឡើយ ។

សេចក្ដីរាយការណ៍បានបន្ដថា ទីតាំងហ្គេមទាំង៦កន្លែងដែលឋិតក្នុងភូមិសាស្ដ្រតែមួយនោះមានយីហោ ១-ប៊ីកណែត ស្ថិតនៅផ្ទះលេខ១ ផ្លូវទល់ កែងនឹងមហាវិថីសហព័ន្ធរុស្ស៊ី(ជាប់របងសាលាខណ្ឌដង្កោ ប៉ែកខាងកើត) ភូមិប៉ប្រក់ខាងជើង សង្កាត់កាកាប ខណ្ឌដង្កោ រាជធានីភ្នំពេញ, ២-ម៉ូនីកាណែត ស្ថិតនៅក្នុងផ្ទះល្វែងលេខ៤ ជាន់ផ្ទាល់ដី, ៣-សាម ឌីណែត ស្ថិតនៅទាល់មុខផ្លូវចូលផ្សារពោធិ៍ចិនតុងប៉ែកខាងលិច, ៤-វ ឌ្ឍនាណែត មានទីតាំងពីរល្វែងតែឯង គឺនៅជាប់នឹងម៉ូនីកាណែត១ល្វែង ហើយ១កន្លែងទៀតនៅជាប់នឹងសាមឌីណែត។ រីឯទីតាំងដ៏ថ្មីសន្លាងមួយទៀត ដែលមិនទាន់លើកស្លាកយីហោ ស្ថិតនៅអាគារលេខ ១១BEo ផ្លូវលេខ១១០ ភូមិប៉ប្រក់ខាងជើង សង្កាត់កាកាបក៏បាននិង កំពុងបើកសេវាបម្រើអតិថិជនយ៉ាងកាកកបណាស់ដែរ ។

គេ នៅមិនទាន់ដឹងឡើយថាថៅកែហ្គេមកុំព្យូទ័រដែលជ្រកក្រោមស្លាក អិនធឺណែតទាំង៦ល្វែងនេះមានឥទ្ធិពលធំធេងប៉ុនណាទេ បានជាហ៊ានបើកលេងពង្រក់ស្មារតីកូនចៅប្រជា ពល រដ្ឋឱ្យភ្លេចការរៀនសូត្រ និងមិនស្ដាប់ដំបូន្មានឪពុកម្ដាយបែបនេះហើយនៅតែមិនរំខាន់ដល់ សេចក្ដីសុខរបស់អាជ្ញាធរមូលដ្ឋាន ជាពិសេសលោកនាយប៉ុស្ដិ៍កាកាបដ៏ស្ពឺ ស្រពន់តែម្ដង ។

ប្រភព ព័ត៌មានបានរាយការណ៍ថា លោកសាន ប៉ែត នាយប៉ុស្ដិ៍កាកាប ទំនងមិនធ្លាប់បានឆ្លងកាត់នៅម្ដុំនោះ ឡើយទើបបានជាមិនប្រទះឃើញសកម្ម ភាពលេងហ្គេមយ៉ាងអនាធិបតេយ្យរបស់ក្មេងៗ និងចាត់វិធានការទាន់ពេលវេលាបែបនេះ។ ប៉ុន្ដែបើទោះជាលោកមេប៉ុស្ដិ៍មិនបានដឹងក៏ដោយហេតុអ្វីក៏ម ន្ដ្រីផ្សេងៗទៀតមិនរាយការណ៍ជូនគាត់ឱ្យបានជ្រាបផង ពីព្រោះទីតាំងហ្គេមទាំងនេះនៅជាប់នឹងរបងសាលាខណ្ឌ និងការិយា ល័យអធិការដ្ឋាននគរបាលខណ្ឌដង្កោស្រាប់មិនលំបាកចំណាយសាំងម៉ូ តូជិះរកឡើយ ឬមួយពួកគេស៊ុមគ្រលុំគ្នា?

ម ន្ដ្រីសាលារាជធានីភ្នំពេញគួរក្រឡេកមើលមន្ដ្រីក្រោមឱវាទរបស់ ខ្លួនដែលនៅតាមមូលដ្ឋានខ្លះៗផង។ គួរតែចាត់វិធានការប្រកបដោយប្រសិទ្ធភាព ចំពោះមន្ដ្រីស្ពឺស្រពន់ណាដែលមិនបានជួយជ្រោងគោលនយោបាយជាតិ ឱ្យប្រសើរ ហើយថែមទាំងជាន់ពន្លិចបន្ថែមឱ្យធ្លាក់ក្នុងភក់ជ្រាំទៀតនោះជូន ប្រជាពលរដ្ឋខ្មែរផង៕

អតីតប្រធាន IFM ត្រូវចោទប្រកាន់ដោយអយុត្ដិធម៌

2011-07-04T18:06:00.002-07:00

អតីតប្រធានរូបិយវត្ថុអន្ដរជាតិ (IMF)លោក Dominique Strauss-kahn នៅ មានឱកាសអាចចូលរួមប្រកួតប្រជែងដណ្ដើមតំណែងប្រធានាធិបតី បារាំងនៅឆ្នាំ២០១២ខាងមុខនេះ ទោះបីតំណែងប្រធានីំធត្រូវបាត់បង់ហើយក៏ដោយ។ ការដែលលោកអាចប្រកួតប្រជែងបាន គឺក្រោយពេលតុលាការស៊ើបដឹងរឿងពីការចោទប្រកាន់រូបលោក ហើយដោះលែងឱ្យលោកមាន សេរីភាពដូចដើម ដោយសងប្រាក់តម្កល់ជាង៦លានដុល្លារទៅលោកវិញ។

ក្រោយ ការស៊ើបអង្កេតយ៉ាងល្អិតល្អន់ ពីមន្ដ្រីជំនាញបង្ហាញឱ្យឃើញថា ស្ដ្រីបម្រើការនៅក្នុងសណ្ឋាគារដែលបានចោទប្រកាន់អតីតប្រធាន IMF លោក Dominique Strauss-kahn ថាបានរំលោភផ្លូវភេទអាចប្រឈមមុខនឹងជាប់ពន្ធនាគារជាច្រើនឆ្នាំពីបទផ្ដល់ចម្លើយមិនពិត ។

ហេតុ ការណ៍ត្រូវបានលាតត្រដាង នៅពេលដែលក្រុមស៊ើបអង្កេតនៅទី ក្រុងញូវយ៉កបានរកឃើញភស្ដុតាង ចន្លោះប្រហោងដ៏សំខាន់ពាក់ព័ន្ធនឹង ចម្លើយរបស់ជនរងគ្រោះ ។ ដូច្នេះ ពីជន រងគ្រោះស្ដ្រីបម្រើការក្នុងបន្ទប់ត្រូវជាប់ ទោសពីបទប្រឌិតរឿង ផ្ដល់ចម្លើយក្លែង ក្លាយ ហើយត្រូវអ្នកដទៃទិញ ដើម្បីឱ្យ ប្រឌិតរឿងបំផ្លាញប្រធានីំធ និងជា អ្នកនយោបាយដ៏សំខាន់ក្នុងបេក្ខភាពជា ប្រធានាធិបតីបារាំង ។

គួរ បញ្ជាក់ផងដែរថា ក្រោយពេលហេតុការណ៍កាលពីថ្ងៃទី១៤ ឧសភាកើតឡើងនៅក្នុងសណ្ឋាគារសូហ្វីតែលទីក្រុងញូវយ៉ក ស្ដ្រីបម្រើការក្នុងបន្ទប់រូបនោះ បានទូរស័ព្ទទៅឱ្យជនជួញដូរគ្រឿងញៀនមួយ ហើយខ្លឹមសារនៅក្នុងការសន្ទនានោះត្រូវគេថតទុក ក្នុងនោះមានឃ្លាមួយនិយាយថា “កុំបារម្ភអីគាត់ (Dominique Strauss-kahn)មានប្រាក់ច្រើនណាស់អូនដឹងថាខ្លួនត្រូវធ្វើអ្វី ហើយ” ។

ក្រៅពី នេះ ស្ដ្រីរូបនោះបានសារភាព ធ្លាប់ត្រូវគេរំលោភកាលពីមកដល់ អាមេរិកភ្លាមនៅឆ្នាំ២០០២ ប៉ុន្ដែឯក សារគ្មានពាក់ព័ន្ធទៅនឹងបញ្ហានោះ ឡើយ ។

ពេលកន្លងមកថ្មីៗ លោក Dominique Strauss-kahn ត្រូវ តុលាការដោះលែងឱ្យមានសេរីភាពឡើងវិញ ក្រោយពេលតុលាការរកឃើញថាលោកគ្មានជាប់ពាក់ព័ន្ធដូចការចោទ ប្រកាន់នោះ ។ តាមគម្រោងតុលាការនឹងបន្ដបើកសវនាការនៅថ្ងៃទី ១៨ កក្កដានេះ៕

វាយប្រហារគ្រាប់បែកទៅលើបំពង់បង្ហូរឧស្ម័នពីអេហ្ស៊ីបទៅកាន់អ៊ីស្រា អែល

2011-07-04T18:06:00.001-07:00

សារ ព័ត៌មានអាអេហ្វប៉េបានផ្សព្វផ្សាយដោយដកស្រង់សម្ដីមន្ដ្រីស ន្ដិសុខ អេហ្ស៊ីបបានឱ្យដឹងនៅថ្ងៃទី៤ កក្កដាថា ក្រុមភេរវកម្មបានដាក់បង្កៃគ្រាប់បែក ទៅលើបំពង់បង្ហូរឧស្ម័នពីប្រទេសអេហ្ស៊ីប ទៅកាន់ចូរដង់និងអ៊ីស្រាអែល ធ្វើឱ្យប្រព័ន្ធផ្គត់ផ្គង់ឧស្ម័នហ្គាសទៅកាន់ប្រទេសទាំង២នោះ ត្រូវកាត់ផ្ដាច់។

ទីតាំង បំពង់បង្ហូរប្រេងដែលរងការវាយប្រហារដោយគ្រាប់បែកនោះ គឺនៅចម្ងាយពីស្រុកអេលអារីសនៅលើកោះស៊ីណៃ៨០គីឡូម៉ែត្រភាគ ខាងជើង។

មន្ដ្រី សន្ដិសុខបានឱ្យដឹងថា គ្រាប់បែកត្រូវគេបំផ្ទុះពីចម្ងាយដោយប្រព័ន្ធបញ្ជា។ បច្ចុប្បន្នក្រុមពន្លត់អគ្គីភ័យបានទៅដល់កន្លែងកើតហេតុដើម្បី ទប់ស្កាត់ ការឆាបឆេះដោយការវាយប្រហារនោះ។ សាក្សីបានឱ្យដឹងថា អណ្ដាតភ្លើងឆាបឆេះក្រោយការវាយប្រហារមានកម្ពស់ រហូតជាង១០ម៉ែត្រ រហូតមកទល់ពេលនេះគេមិនទាន់ទទួលបានព័ត៌មានថា មានអ្នកស្លាប់និងរងរបួសក្នុងការវាយ ប្រហារនោះនៅឡើយ។

នេះជា ការវាយប្រហារលើកទី៣ទៅលើបំពង់បង្ហូរឧស្ម័នទៅកាន់អ៊ីស្រាអែល ចាប់តាំងពីខែកុម្ភៈមកទល់ពេលនេះ គឺក្រោយពេលអតីតប្រធានាធិបតីហ៊ូស្នី មូបារ៉ាក់លាលែងពីតំណែង។ កាលពីថ្ងៃ ទី២៧ មេសា បំពង់បង្ហូរឧស្ម័នដែលឆ្លងកាត់តំបន់អាល់សាប៊ីលនៅភាគខាង ជើងកោះស៊ីណៃក៏រងការវាយប្រហារដូច គ្នានេះផងដែរ ។ កាលពីខែកុម្ភៈ ក្រុម វាយប្រហារក៏បានប្រើប្រាស់គ្រាប់បែក បំផ្ទុះបំផ្លាញបំពង់បង្ហូរឧស្ម័ននៅស្រុក លីហ្វ្រេនភាគខាងជើងស៊ីណៃជិតជ្រោយកាហ្សា ។

ចូរដង់បាននាំចូលនូវឧស្ម័នហ្គាស រហូតដល់៦,៨លាន ម៉ែត្រគូបពីអេហ្ស៊ីប ជារៀងរាល់ថ្ងៃដើម្បីផ្គត់ផ្គង់៨៥ភាគរយ តម្រូវការផលិតអគ្គិសនីនៅក្នុងប្រទេស នេះ ។ តាមកិច្ចព្រមព្រៀងដែលបានចុះ ហត្ថលេខាកាលពីឆ្នាំ២០០២ដែលមាន រយៈពេល៤ឆ្នាំ អេហ្ស៊ីបត្រូវលក់ឧស្ម័ន ឱ្យទៅចូរដង់ក្នុងតម្លៃពិសេសស្មើនឹង ពាក់កណ្ដាលតម្លៃទីផ្សារ ។

ក្នុងពេលនោះ អេហ្ស៊ីបបានផ្គត់ផ្គង់ឧស្ម័នហ្គាសចំនួន៤០ភាគរយដល់ប្រទេស អ៊ីស្រាអែល។ កាលពីខែធ្នូ ២០១០ ក្រុមហ៊ុនចំនួន៤របស់អ៊ីស្រាអែលបានចុះហត្ថលេខាទៅលើកិច្ចព្រម ព្រៀងរយៈពេល២០ឆ្នាំក្នុងការទិញឧស្ម័ន ហ្គាសពីអេហ្ស៊ីបដែលមានតម្លៃរហូត ដល់១០ពាន់លានដុល្លារ៕

2011-07-04T18:05:00.001-07:00

ភ្នំពេញ ៖ យោងតាមរបាយការណ៍ប្រចាំឆ្នាំមួយចេញកាលពីសបា្ដហ៍មុនបានបង្ហាញ ថា ក្រោយពីមានការខាតបង់នៅឆ្នាំ២០០៩ ធនាគារ ANZ Royal បានផ្សព្វផ្សាយពីប្រាក់ចំណេញចំនួន៨,១លាន ដុល្លារសម្រាប់ឆ្នាំ២០១០។ ចំនួនប្រាក់ចំណេញដែលត្រូវបានធ្វើសវនកម្មនេះ គឺជាសញ្ញាមួយទៀតនៃការងើបឡើងវិញនៅក្នុងវិស័យធនាគារ។

កាលពីឆ្នាំ២០១០ ធនាគារ ANZ Royal បាន ផ្សព្វផ្សាយទ្រព្យសកម្មសរុបចំនួន៥៩៩ លានដុល្លារ គឺកើនឡើង១៨ភាគរយនៅឆ្នាំនោះ រីឯប្រាក់បញ្ញើរបស់អតិថិជនកើនឡើង១៧ភាគរយ ដល់៥០៨លានដុល្លារ។ របាយការណ៍នេះ បានលើកឡើងទៀតថា កំណើនខ្ពស់នៅក្នុងតារាងតុល្យការរបស់យើង និងការរីកចម្រើននៃប្រាក់បញ្ញើចម្រុះរបស់យើងធ្វើឱ្យមានកំណើន ប្រាក់ចំណូលការប្រាក់សុទ្ធចំនួន១៩ភាគរយ ដល់២២,១លាន ដុល្លារ ថ្វីបើមានការកាត់បន្ថយ ច្រើននូវអត្រាប្រាក់ចំណេញលើប្រាក់បញ្ញើដ៏ច្រើនរបស់យើងដែល ដាក់នៅធនាគារជាតិនៃកម្ពុជាក៏ដោយ។

របាយ ការណ៍នេះបានលើកឡើងទៀតថា ហេតុផលនេះគឺដោយសារការធ្លាក់ចុះនូវអត្រាប្រាក់នៅសហរដ្ឋអា មេរិក។ របាយការណ៍នេះក៏បានបង្ហាញពីការទូទាត់ផ្នែកពាណិជ្ជកម្ម និងជាអន្ដរជាតិដែលបានបង្កើតឱ្យមានប្រាក់ចំណូលច្រើនផងដែរ ដោយមានចំនួន៤,៩លាន ដុល្លារ ឬ៤៧ភាគរយនៃប្រាក់ចំណូលមិនមែនជាប្រាក់។ របាយការណ៍នេះបានលើកឡើងទៀតថា “កំណើនដែលបន្ដកើនឡើងនេះបង្ហាញថា យើងកំពុងទទួលបានអតិថិជនច្រើនដោយសារសមត្ថភាពរបស់យើងក្នុងការ បម្រើតាមសេចក្ដីត្រូវការរបស់ពួកគេដោយឆ្លុះបញ្ចាំងពីកេរ្ដិ៍ ឈ្មោះក្នុងឆាកអន្ដរជាតិរបស់យើង”៕

ស្រុតអណ្ដូងរ៉ែ២ផ្សេងគ្នាស្លាប់៣នាក់ ៤០នាក់ជាប់គាំងក្រោមដីនៅចិន

2011-07-04T18:03:00.000-07:00

សារ ព័ត៌មានអាអេហ្វប៉េបានផ្សព្វផ្សាយថា នៅចិនមានករណីគ្រោះថ្នាក់ស្រុតអណ្ដូងរ៉ែ២ផ្សេងគ្នា បណ្ដាលឱ្យកម្មករ៣នាក់ស្លាប់និង៤០នាក់ផ្សេងទៀតកំពុងជាប់គាំង នៅក្រោមដី ។

ហេតុ ការណ៍គ្រោះថ្នាក់អណ្ដូងរ៉ែទី១ កើតឡើងស្ថិតនៅអណ្ដូងរ៉ែក្នុងទីក្រុង ហេសាន ខេត្ដក្វាងតី បានបាក់ស្រុតបណ្ដាលឱ្យកម្មករ៣នាក់ស្លាប់និង១៩នាក់ជាប់គាំងនៅ ក្រោមដី ។

គ្រោះ ថ្នាក់អណ្ដូងរ៉ែទី២កើតឡើងនៅឯអណ្ដូងរ៉ែពេញតាន ខេត្ដក្វីចូវ ធ្វើឱ្យកម្មករ២១នាក់ជាប់គាំងនៅក្រោមដី ផងដែរ ។

ករណីគ្រោះថ្នាក់អណ្ដូងរ៉ែនៅចិនតែង កើតមានឡើងជារៀងរាល់ឆ្នាំ សម្លាប់មនុស្សរាប់សិបពាន់នាក់ក្នុងមួយឆ្នាំៗ។ ភាគច្រើននៃអណ្ដូងរ៉ែដែលជួបគ្រោះ ថ្នាក់នោះគឺមិនគោរពច្បាប់សុវត្ថិភាព និងធានារ៉ាប់រងដល់អាយុជីវិតរបស់កម្មករ ហើយអណ្ដូងរ៉ែសុទ្ធសឹងតែចាស់ទ្រុឌទ្រោមទៀតផង៕

downloadyahoocom

សិស្ស​វិទ្យា​ល័​យ​ស៊ី​សុវត្ថិ​ម្នាក់​គ្រោះ​ថ្នាក់​ចរាចរ​អាក់​ខាន​ចូល​ប្រឡង​ឌី​ប្លូ​ម​

ចាត់​វិធាន​ការ​រុះ​រើ​សំណង់​ណា​ដែល​សង់​រំលោភ​យក​ដី​ចំណី​ផ្លូវ​ជាតិ​លេខ​១

វី​វ៉ា​បុក​ឆា​លី​ស្លាប់​១របួស​៤នាក់​​នៅ​ព្រែក​ឯង

ផ្ទុះ​គ្រាប់បែក​នៅ​នី​ហ្សេ​រី​យ៉ា​​ស្លាប់​១០នាក់​

រដ្ឋ​ទូត​ភូមា​សុំ​ភៀស​ខ្លួន​នៅ​អា​មេ​រិ​ក​

អតីត​ប្រ​ធា​ន IFM ​ត្រូវ​ចោទ​ប្រកាន់​​ដោយ​អ​យុ​ត្ដិ​ធម៌​

វាយ​ប្រហារ​គ្រាប់បែក​ទៅ​លើ​បំពង់​បង្ហូរ​ឧ​ស្ម័​ន​ពី​អេ​ហ្ស៊ី​ប​ទៅ​កាន់​អ៊ី​ស្រា​ ​អែ​ល​

ស្រុត​អណ្ដូង​រ៉ែ​២ផ្សេង​គ្នា​​ស្លាប់​៣នាក់​ ​៤០នាក់​ជាប់​គាំង​ក្រោម​ដី​នៅ​ចិន​